Politika e Privatësisë

Përditësuar së fundi: 26/09/2026

1. Informacioni që Mbledhim

Ne mbledhim informacion kur ju:

• Regjistroheni ose hyni në llogarinë tuaj
• Bëni një rezervim
• Na kontaktoni përmes formularit
• Vizitoni faqen tonë (cookies dhe analitika)

Informacioni përfshin: emrin, emailin, telefonin, detajet e dokumentit të identifikimit, dhe informacionin e pagesës.

2. Si Përdorim Informacionin

• Për të procesuar rezervimet tuaja
• Për t'ju dërguar konfirmime dhe voucher
• Për t'ju njoftuar për ofertat (me pëlqimin tuaj)
• Për të përmirësuar shërbimet tona
• Për qëllime ligjore dhe sigurie

3. Ndarja e Informacionit

Ne ndajmë informacionin tuaj vetëm me:

• Hotelet ku bëni rezervim (emri, kontakti)
• Ofruesit e pagesave (për procesimin e transaksioneve)
• Autoritetet ligjore (kur kërkohet me ligj)

Ne nuk shesim informacionin tuaj personal tek palët e treta.

4. Siguria e të Dhënave

Ne përdorim masa teknike dhe organizative për të mbrojtur informacionin tuaj, duke përfshirë enkriptimin SSL, fjalëkalime të hashuar, dhe akses të kufizuar.

5. Cookies

Faqja jonë përdor cookies për:

• Ruajtjen e sesionit tuaj (cookies funksionale)
• Kujtimin e preferencave tuaja
• Analitikë për përmirësimin e faqes

6. Të Drejtat Tuaja

Ju keni të drejtë të:

• Aksesoni informacionin tuaj personal
• Kërkoni korrigjimin e informacionit
• Kërkoni fshirjen e llogarisë
• Tërhiqni pëlqimin për marketing

7. Kontakti

Për çdo pyetje rreth privatësisë, na kontaktoni:

Email: [email protected]
Tel: +355 67 2 800 800

8. Bisedat në chat — në faqen tonë ose në Instagram Direct

Kur na shkruani në chat-in e faqes sonë ose në Instagram Direct, marrim dhe ruajmë vetëm këto:

• Tekstin e mesazheve që na dërgoni dhe përgjigjet tona.
• Emrin e profilit tuaj në Instagram (vetëm kur na shkruani në Instagram), që të dimë me kë po flasim dhe të vazhdojmë bisedën aty ku e latë.
• Çdo të dhënë që na jepni vetë gjatë bisedës — për shembull emrin, telefonin, datat e udhëtimit, numrin e personave ose moshat e fëmijëve.

Pse na duhen. I përdorim vetëm që t'ju përgjigjemi, t'ju përgatisim një ofertë dhe të vazhdojmë bisedën më vonë pa ju detyruar t'i shkruani të gjitha nga e para. Nuk i përdorim për reklama të personalizuara.

Sa kohë i ruajmë. Bisedën e ruajmë deri në 12 muaj nga mesazhi i fundit dhe më pas fshihet vetvetiu. Nëse nga biseda lind një rezervim i vërtetë, të dhënat e atij rezervimi ruhen veçmas, sa kërkojnë detyrimet tona ligjore e financiare.

Me kë i ndajmë. Nuk i shesim dhe nuk i japim me qira askujt. I ndajmë vetëm me ata që na duhen për t'ju shërbyer (për shembull hoteli ose operatori i paketës që rezervoni) dhe vetëm kur e kërkon ligji.

Mund të kërkoni fshirjen e bisedës në çdo moment — shihni udhëzimet për fshirjen e të dhënave.

9. Përgjigjet automatike dhe e drejta për të folur me një person

Përgjigjet e para i jep një asistente virtuale, domethënë një sistem i automatizuar, jo një koleg i yni. Kjo bëhet që t'ju përgjigjemi shpejt edhe jashtë orarit.

Përdorim një ofrues të jashtëm. Që përgjigjja të përgatitet, teksti i bisedës i dërgohet një ofruesi të inteligjencës artificiale të palës së tretë, Anthropic, i cili mund ta përpunojë edhe jashtë Shqipërisë. Ai e përdor tekstin vetëm për të krijuar përgjigjen për ju.

Kërkoni një person kur të doni. Në çdo moment mund të kërkoni të flisni me një koleg — mjafton të shkruani "dua të flas me një person", ose të na telefononi. Nuk jeni të detyruar të vazhdoni me sistemin e automatizuar.

Asistentja virtuale nuk merr vendime detyruese për ju. Çmimet dhe disponueshmëria konfirmohen gjithmonë nga stafi ynë përpara se rezervimi të bëhet i vlefshëm.

10. Kërkesat përmes asistentëve AI dhe porta jonë për AI (MCP)

Çmimet tona publike mund të lexohen edhe nga asistentët e inteligjencës artificiale (p.sh. ChatGPT, Claude ose Perplexity) përmes një porte publike të standardit MCP (Model Context Protocol) dhe feed-eve tona të çmimeve. Kur i kërkoni një asistenti të tillë oferta udhëtimi dhe ai zgjedh të pyesë sistemin tonë, te ne mbërrin vetëm kërkesa e kërkimit — kurrë biseda juaj e plotë.

Çfarë marrim (inputet e veglave). Vetëm kriteret e kërkimit që asistenti na dërgon: destinacioni, datat e udhëtimit, numri i udhëtarëve dhe moshat e fëmijëve, buxheti ose emri i një hoteli — bashkë me të dhëna teknike të kërkesës: adresa IP (zakonisht e ofruesit të asistentit, jo e juaja), lloji i programit (user agent) dhe ora e kërkesës.

Çfarë kthejmë (outputet e veglave). Vetëm oferta publike udhëtimi: hotele, data nisjeje, çmime dhe lidhje rezervimi — të njëjtat të dhëna që sheh çdo vizitor në faqen tonë. Sistemi ynë nuk kthen asnjë të dhënë personale. Të gjitha këto vegla janë vetëm për lexim: ato vetëm kërkojnë oferta publike dhe nuk mund të bëjnë rezervime, pagesa apo asnjë ndryshim në emrin tuaj — rezervimi bëhet gjithmonë nga ju, në faqen tonë.

Pse i përdorim. Vetëm për t'iu përgjigjur kërkesës, për të kufizuar abuzimin (limite kërkesash për IP) dhe për statistika të përgjithshme përdorimi. Nuk ndërtojmë profil për ju, nuk i përdorim për reklama dhe nuk i lidhim me asnjë llogari.

Sa kohë i ruajmë. Regjistrat teknikë ku shënohen këto kërkesa ruhen deri në 2 muaj dhe fshihen vetvetiu. Nuk mbajmë llogari, cookies apo identifikues për përdoruesit që vijnë përmes asistentëve.

Me kë i ndajmë. Me askënd — nuk i shesim dhe nuk i japim. Vetë biseda juaj me asistentin mbahet nga ofruesi i tij (p.sh. OpenAI për ChatGPT) sipas politikës së privatësisë së atij ofruesi; ne marrim vetëm kërkesën e kërkimit që ai vendos të na dërgojë.

Kontrolli juaj. Këto kërkesa janë anonime për ne dhe nuk kemi si t'i lidhim me ju si person. Për çdo pyetje na kontaktoni me të dhënat në seksionin 7, ose shihni udhëzimet për fshirjen e të dhënave.

11. Sa kohë i ruajmë të dhënat (përmbledhje)

Afatet tona kryesore të ruajtjes:

• Llogaria juaj: sa kohë e mbani; fshihet me kërkesën tuaj.
• Rezervimet, faturat dhe pagesat: sa kërkojnë detyrimet ligjore, tatimore dhe kontabël.
• Kërkesat për oferta (lead-et) dhe emailet: deri sa të mbyllet kërkesa juaj, plus afatet ligjore përkatëse.
• Bisedat në chat — në faqen tonë ose në Instagram: deri në 12 muaj nga mesazhi i fundit, pastaj fshihen vetvetiu.
• Statistikat e vizitave në faqe: deri në 90 ditë.
• Regjistrat teknikë të serverit: përmbajtja e kërkesave nga asistentët AI deri në 2 muaj; regjistrat e përgjithshëm të aksesit deri në 12 muaj.

Për fshirje para këtyre afateve, shihni udhëzimet për fshirjen e të dhënave.